BMOW eða Big mess of wires er heitið á handgerðum örgjörva sem er klukkaður á heil 2 MHz.

Tölvuleikjaforritarinn Steve Chamberlin frá Belmont, CA var á árum áður heillaður af Atari, Apple II og Commodore 64.

Fyrir vikið lærði hann tölvunnarfræði frá MIT og á þeim tíma kynntist hann örgjörvahönnun á svokölluðum Nerd kit sem   algengt var að nemendur unnu með á þeim tíma.

BMOW varð til sem tómstundargaman en að handgera örgjörva er ekki fyrir óþolinmóða en ef myndirnar eru skoðaðar hér fyrir   neðan þá er þetta heljar vinna að setja saman.

Hönnun og samsetning tók samtals eitt og hálft ár. Í tölvunni er 2.836 gullhúðaðir teinar. Einnig er að finna 1,253  einstaka víra og 2,506 punkta sem tengdir eru með vírunum. Samkvæmt Steve náði hann að gera cirka 25 tengingar á klukkutíma.

En í hönnun og virkni er þessi tölva á við gömlu Apple II. Örgjörvinn er 8 bita og keyrir upp stýrikerfi sem er byggt á BASIC. Hægt er að spila skák forrit á tölvunni sem skrifað er af Steve.