Hvað er Google Android spyrðu kannski sjálfan þig. Árið 2006 fór netheimur á taugum yfir leynilegu verkefni sem Google var að vinna að. Allt benti til að Google væri að skapa Googlephone sem væri sérstaklega hannaður til höfuðs iPhone. En þær samsæriskenningar voru haldnar fram af prent og netmiðlum á þessum tíma. En svo 5 nóvember 2007 kynnti Google Android til sögunnar.

Android er stýrikerfi sem Google hannaði fyrir farsíma og þeir hafa ákveðið að gefa það frítt til þeirra sem vilja nota það. Ástæðan segja þeir að það er vilji Google að hraða þróun nýjunga á farsímum.

En þeir töldu að stýrikerfin í þeim símum sem var í boði var ekki að halda í við þróun sem ætti sér stað á netinu. Einnig að þau sem voru í boði væru lokuð, fylgdu ekki opinberum stöðlum og væru dýr að kaupa aðgang að ef þú værir farsímaframleiðandi.

Nú er Android farið að birtast á nokkrum símum en þar sem þetta er opið stýrikerfi þá getur hvaða farsímaframleiðandi sem er tekið sig til og notað það.

En það var ekki bara stýrikerfið sem var kynnt til sögunnar, heldur að heilt samfélag fyrirtækja sem stæðu á bakvið stýrikerfið og þau höfðu stofnað "Open Handset Alliance". En þar má nefna Intel, Nvidia, Broadcom, Vodafone, Qualcomm, Samsung, Sony Ericsson, LG og fleiri hafa bæst við en heildalista þeirra fyrirtækja sem standa á bakvið Android er að finna hérna.