Google sigrar heiminn hlýtur að vera mantra starfsmanna hjá Google þessa daganna en við sögðum frá nýjum internetstaðli Google í gær. En í dag var Google Chrome stýrikerfið sýnt netverjum og fjölmiðlum en einnig er gefinn kostur á að sækja eintak af nýja stýrikerfinu til prufu. Við hjá tölvudoktor sóttum okkur eintak og keyrðum upp til prufu Google Chrome OS í sýndarvél.

Fyrstu viðbrögðin eru einföld, stýrikerfið er í raun vefvafri með stýrikerfi en ekki öfugt. Aðalatriðið er vafrinn og allt annað virðist aukalegt, enda sögðu Google menn það beint út á kynningunni að þessi útgáfa er bara fyrsta skrefið af mörgum og ekki hæft sem aðal stýrikerfi á tölvum fólks sem stendur. En þetta er bara útgáfa 1.0 og framtíð stýrikerfisins liggur í netinu og möguleikum þess þar sem Google vill hafa sem flest af daglegri notkun keyrt í gegnum netið og sem minnsta vinnsla fari fram á sjálfri tölvunni. Hinsvegar verður netið að taka miklum stökkbreytingum í hraða til að fyrirætlanir Google standist. En Google stýrikerfið er unnið með það markmið að það verði í þróun í nokkur ár í viðbót þangað til að það verður í stakk búið að takast á við önnur stýrikerfi sem er á markaðnum í dag. 

Hér er hægt að sækja stýrikerfið í gegnum Torrent.