HTC mun kynnti Hero í dag en hann er nýjasti sími HTC sem keyrir Android frá Google. Við skrifuðum um þennan síma fyrr í vikunni þar sem myndir og vídeó hafði lekið út en nú er HTC búið að kynna símann formlega. 

Síminn mun keyra á breyttu notendaviðmóti sem kallast Rosie og er það byggt á að Widget keyri á skjánum tl að sýna þér allar helstu upplýsingar. En einnig er hægt að stýra prófilum þannig að einn er fyrir vinnudaginn og svo er hægt að skipta yfir í aðra uppsetningu þegar vinnudeginum líkur eða helgin er kominn. Þá breytist skjárinn til að sýna þær upplýsingar sem henta hverju sinni. 

HTC Hero reynir eftir fremsta megni að samræma aðila í staðbundnu símaskrá símans og samskipti þín við sömu einstaklinga í gegnum alla þá samfélagsvefi sem þú ert skráður í. 

Síminn er með Qualcomm MSM7200A 528MHz örgjörva 512MB/288MB ROM/RAM, 3.2 tommu TFT-LCD með 320 x 480 pixel upplausn, 900/2100MHz HSPA og Quad-band GSM, GPS, 802.11b/g þráðlaust netkort, 3.5mm heyrnartólstengi, áttavita, og 5 megapixla myndavél með sjálfvirkan fókus og microSD tengi.

Hvíta útgáfa símans verður sá fyrsti sem kemur á markað með teflon húðun til að gera símann sem mest ónæman fyrir kámi og ryki. Einnig mun hann taka við fjölsnerti skjáskipunum en síminn kemur út í júlí í Evrópu, aðeins seinna í sumar í Asíu og enn seinna á árinu í Bandarikjunum.

 (Ef einhver veit um góða þýðingu á multi touch þá endilega skrifið það í ummælin hér fyrir neðan)