Paramount og Kingston hafa opinberað samstarf sín á milli til að koma kvikmyndum út á minniskubbum. En ætlunin er að framleiða tvennskonar vörur í þessu samstarfi. Fyrst er hugsunin að búa til minniskubba sem innihalda einungis bíómyndina sjálfa. En seinni gerðin er þá pakki þar sem myndin fylgir með venjulegum USB minnislykli sem einn pakki.

Þetta mun eflaust gleðja marga sem nú notast við fartölvur eins og netbook (netkríli) en þau hafa venjulega ekki geisladrif, hvað þá Blue-ray drif. Beðið er eftir meiri upplýsingum um sem dæmi hvaða upplausn myndirnar verða og einnig kostnaður við kaup á mynd á slíku formi.