Er Apple að stíga einn eitt skrefið inn í framtíðina. iTablet er það nýjasta í herbúðum Apple og þó það sé engin staðfesting þá eru sögusagnirnar farnar að berast héðan og þaðan.

iTablet er iPod touch á sterum. 10 tommu snertiskjár sem býður upp á þráðlaust net. Núna geturðu gengið um með sjónvarpið í töskunni, uppáhaldskvikmyndir, þráðlaust net, bækur og fleira og fleira.
iTablet verður einhverskonar samsuða á Macbook og iPod touch.

iTablet hefur verið reglulegur orðrómur í nokkur ár, en það er ekki fyrr en núna að sterkar vísbendingar hafa komið fram um að framtíðin sé á leiðinni í næstu applebúð. Hefur komið sterk vísbending frá Financial Times að þetta apparat sé á leiðinni. Hvenær þetta tæki verður sjáanlegt á markaðnum hefur ekki verið staðfest, en sumar sögusagnir segja að það sé verið að reyna að koma því á markað í september á þessu ári, á meðan aðrar segja að þetta sé hugsað fyrir fyrsta ársfjórðung 2010.

Ef við skoðum þetta nánar þá sjáum við að það eru kostir, en einni gallar við iTablet.
Kostir:
•    10 tommu snertiskjár
•    Þráðlaus nettenging
•    Getur keyrt iPhone forrit
•    Góð vefbók

En á móti koma spurningar eins og hvernig er rafhlöðuending á svona stórum skjá?
Ef það er iPhone stýrikerfið, þá er það frekar takmarkað fyrir þessa stærð af tæki.
Og stóra spurningin: Verður maður að skrá sig hjá einhverju netfyrirtæki til að geta notað þetta.

En í dag eru þetta allt bara á ágiskanir byggðar á sögusögnum, svo núna er bara að bíða og sjá.