Sky TV sendi frá sér tilkynningu þess efnis að þeir hygðust hefja útsendingar á þrívíddar sjónvarpsútsendingum á næsta ári. Sér rás mun verða stofnuð sem mun sjá um að senda út eingöngu í þrívídd.

Viðskiptavinir Sky munu ekki þurfa að fá nýjan útsendingarlykil þar sem útsendingin mun rúmast inn í venjulegri hágæðaútsendingar bandvídd sem er í notkun í dag sem er um 18Mb/s. Gæði útsendingarinnar verða ekki í fullri hágæða útsendingu þar sem senda verður tvö myndskeið samtímis sem eru samsett í sjónvarpinu til að fá fram þrívíddar eiginleika. Þannig að útsendingin sjálf mun ekki verða eins og gamaldags upplausn heldur mun hún sitja mitt á milli gömlu upplausnarinnar og 1080p sem er hágæðaupplausn. 

Einnig stemmir tímasetningin við áætlanir Panasonic að vera komin með sjónvörp til sölu sem geta sýnt myndir í þrívídd á næsta ári. 

En uppsetningin er á þann veg að þú þarft sjónvarp sem getur móttekið útsendinguna og svo þarftu einnig að notast við þrívíddargleraugu til að horfa á útsendinguna sjálfa. 

En Panasonic verður líkast til ekki eitt um hituna þar sem flestir framleiðendur sjónvarpa hafa þrivíddarsjónvörp í áætlunum sínum á næstunni. Engin sérstök dagsetning hefur verið gefin hvenær útsendingar hefjast, það eina sem er vitað er að Sky flýtti byrjunardegi yfir á 2010 frá því sem var 2011 áður.